2.8. Forgrunnsval

Revisjonshistorie
Revisjon $Revision: 2185 $ 2007-11-09 KoSt

Figur 12.14. Symbolet for “forgrunnsval” i verktøyskassa

Symbolet for forgrunnsval i verktøyskassa

Dette verktøyet blir brukt for å trekke ut forgrunnen frå det aktive laget eller frå eit utval. Det bruker ein spesiell metode, den såkalla SIOX-metoden (Simple Interactive Object eXtraction) som du kan finne meir om på Internett under [SIOX].

2.8.1. Bruksmåtar

Opprettinga av eit utval blir utført gjennom eit par steg:

  1. Marker omtrentleg forgrunnen du vil trekke ut. Marker minst mogleg av bakgrunnen. Når du vel dette verktøyet, blir musepeikaren omforma til ein lasso for å vise at verktøyet arbeider på same måten som frihandsverktøyet (lassoen).

    Når du slepp opp museknappen, blir det umarkerte området av biletet dekka med ei mørkeblå maske. Dersom utvalet ikkje er lukka, vil endane bli lenka saman automatisk med ei rett linje. Musepeikaren skifter frå lassoen til målarpenselen.

    Figur 12.15. Grovmarkert forgrunn

    Grovmarkert forgrunn

  2. Teikna ein strek gjennom forgrunnen: Bruk målarpenselen og teikna ein kontinuerleg strek over dei fargane du vil behalde i den valde forgrunnen. Du kan endre breidda på penselen etter behov. Det er likegyldig kva farge du brukar, men sjølvsagt er det lurt å bruke andre fargar enn dei du finn i utvalet. Det er viktig at du ikkje teiknar over noen av bakgrunnsfargane.

    Figur 12.16. Streken teikna på forgrunnen

    Streken teikna på forgrunnen

    I eksemplet er det viktig at streken går over det gule midtpartiet i blomsten.


  3. Når du slepp opp museknappen, vil alle umarkerte område bli mørke:

    Figur 12.17. Område som skal markerast

    Område som skal markerast

  4. For å gjere markeringa om til eit utval må du trykke Enter-tasten:

    Figur 12.18. Forgrunnen er utvald

    Forgrunnen er utvald

[Notat] Notat

Så lenge du ikkje har brukt Enter-tasten kan du angre utvalet med menyvalet VelIngen. Kombinasjonen Ctrl + Z verkar okkje på dette filteret. Har du bruk for å fjerne utvalet, må du velje eit anna verktøy.

2.8.2. Aktivering

  • Ved å klikka på verktøysymbolet i verktøykassa

  • eller frå biletmenyen via VerktøyUtvalsverktøyaForgrunnutsval.

2.8.3. Valtastane (forvald)

Ctrl

Ved hjelp av Ctrl-tasten kan du veksle mellom at teikninga skal markere forgrunn eller bakgrunn.

2.8.4. Verktøyinnstillingar

Figur 12.19. Innstillingane for verktøyet “forgrunnsutval

Innstillingane for verktøyet forgrunnsutval

Innstillingane fjørkantar og fargefølsemd er aktiviserte.


Du kan få fram verktøyinnstillingane ved å dobbeltklikke på verktøysymbolet i verktøykassa.

Modus, utjamning og avrunda hjørne

Sjå utvalsverktøya for hjelp om innstillingar som er felles for alle desse verktøya. Bare innstillingar som er spesifikke for dette verktøyet blir omtalte her.

Samanhengande

Dersom denne er aktivisert vil bare område som er samanhengande med penselstrøka bli valde. Dersom denne ikkje er aktivisert, vil alle område med same farge bli valde.

Figur 12.20. Effekten av valet “samanhengande

Effekten av valet samanhengande

To ulike område med same farge. Til venstre er bare det venstre området markert.

Effekten av valet samanhengande

Det er merka av for samanhengande. Bare område nær den teikna streken er vald.

Effekten av valet samanhengande

Interaktive forbetringar

Desse vala gjer det enklare å arbeide meir presist på utvalet:

Marker forgrunn

Dette er den forvalde innstillinga. Den teikna streken som markerer kva som skal trekkast ut bruker forgrunnsfarge frå verktøykassa.

Marker bakgrunn

Du kan aktivere denne anten ved å trykke på radioknappen eller ved å halde nede Ctrl-tasten. Musepeikaren viser ein lite viskelêr og eit minusteikn. Verktøyet teiknar med bakgrunnsfargen frå verktøykassa. Pikslar som har same fargen som dei “utviska” pikslane blir ikkje valde ut.

Liten pensel / stor pensel

Her bestemmer du kor stor penselen skal vere.

Utjamning

Denne kan brukast til å fjerne små hol i utvalet.

Figur 12.21. Verknaden av “utjamning

Verknaden av utjamning

I dette eksemplet er det brukt bakgrunnsfargen for å teikna små hol i biletet (venstre).

Verknaden av utjamning

Utjamning = 0: Hol større enn 1 piksel blir ikkje valde.

Verknaden av utjamning

Utjamning = 7: Hol med mindre enn 3 pikslar blir valde.


Maskefarge

Du kan velje mellom å raud, grøn eller blå farge for å maskere biletbakgrunnen.

Fargefølsemd

Denne funksjonen bruker fargemodellen L*a*b. Dersom biletet inneheld mange pikslar i same fargen men med ulike fargetoner, kan du gjere utvalet meir kjenslevart for denne fargen.